دي مجموعة وصفات للبشرة الدهنية التي لا تعاني من الحبوب.
وده لأن الحبوب تحتاج لطبيب أمراض جلدية يشوف نوع الحبوب دي إيه، ويقدم الحل المناسب...
ماسك الخميرة للبشرة الدهنية
أكيد كل أصحاب البشرة الدهنية بيعانوا من زيادة إفرازات الدهون الأمر اللي بيجعل البشرة دي محتاجة إلى عناية من نوع خاص ده بالإضافة إلى البقع السوداء اللي ممكن تظهر نتيجة تعرض أصحاب هذه البشرة للتراب الموجود في الجو، وبالتالي بنلاقي إن أصحاب البشرة دي محتاجين لماسك يلمع وينقي البشرة من أي شوائب ممكن أنها تتعلق بيها...
ومكوناته هي:
ملعقة كبيرة من الخميرة.
قليل من اللبن.
ملعقة صغيرة من زيت الزيتون.
ملعقه صغيرة من (الزبادي).
قليل من النشاء.
وعشان تحضريه...
اخلطي المكونات ولما تتماسك أضيفي إليها الزبادي.
اتركي الماسك على وجهك لمدة 10 دقائق واغسليه بالمياه الفاترة.
كرري الماسك ده مرة كل أسبوع...
ماسك التفاح لشد ترهلات البشرة الدهنية
من ضمن المشاكل اللي ممكن تصيب البشرة الدهنية هي تعرض الجلد للترهل علشان كده بننصح باستخدام الماسك ده لعلاج الترهلات دي، وعلى فكرة الماسك ده بالإضافة إلى أنه بيساعد على شد ترهلات البشرة فهو كمان بيساعد على إزالة البقع البنية أو السوداء اللي ممكن تكون موجودة على الوجه أوالرقبة.
ومكوناته هي:
لب تفاحة.
ملعقة كبيرة من النشا، مذابة بمقدار ملعقتي طعام من الماء.
3 ملاعق كبيرة من عصير التفاح/ ملعقة كبيرة من عصير الخس.
نقطتان من عصير الليمون.
ملعقتان كبيرتان من (الدقيق).
وعشان تحضريه...
اضربي التفاحة بعد تقشيرها في الخلاط، ثم أضيفي بقية المكونات. بعد كده أضيفي الدقيق بشكل تدريجي حتى يتماسك المزيج.
ضعي الماسك على وجهك لمدة 10 دقائق، ثم اغسليه بالمياه الفاترة.
اعملي الماسك ده مرتين في الأسبوع، وعلى فكرة كمان الماسك ده غني بالفيتامينات المفيدة للبشرة..
ماسك الليمون
لو عايزة تضيقي مسام بشرتك الواسعة وتنظفيها من أي حاجة موجودة فيها وتقللي من نسبة الإفرازات الدهنية اللي موجودة فيها يبقى مفيش قدامك غير الماسك البسيط جدا ده
ومكوناته هي:
ثلاث نقط من عصير الليمون.
ملعقة كبيرة من الخميرة مذابة في ملعقتين طعام من الحليب الفاتر.
ملعقة من النشاء مذابة في مقدار ملعقتين طعام من ماء الورد.
وعلشان تحضريه...
امزجي المكونات مع بعضها البعض، ثم أضيفي الحليب الفاتر أو رشة من الدقيق حتى يتماسك المزيج..
ضعي الماسك على وجهك لمدة خمس دقائق واغسليه بالمياه الفاترة.
كرري الماسك ده مرة كل أسبوع.
ماسك زلال البيض لشد عضل الوجه الدهني الخالي من الحبوب
ومكوناته هي:
زلال بيضة.
نقطتان من عصير الليمون.
نقطتان من زيت الزيتون.
قليل من الدقيق.
ملعقتان كبيرتان من ماء الأرز.
وعشان تحضريه...
اخفقي زلال البيض مع بقية المكونات، أما الدقيق فيضاف بشكل تدريجي لإضفاء التماسك على المزيج
ضعي الماسك على وجهك، واتركيه لمدة 7 دقائق.
كرري الماسك ده مرة كل أسبوع.
موضوع: وصفات طبيعية بيتي جدا للبشرة الدهنية 
